சீரற்ற வானிலை காரணமாக யாழில் 10 ஆயிரத்து 5 குடும்பங்கள் பாதிப்பு!

யாழ்ப்பாணம், நவ.3. யாழ்ப்பாணத்தில் ஏற்பட்ட சீரற்ற காலநிலை காரணமாக 10,005 குடும்பங்களைச் சேர்ந்த 31,871 பேர் பாதிக்கப்பட்டுள்ளனர் என அனர்த்த முகாமைத்துவப் பிரிவு நேற்றிரவு தெரிவித்துள்ளது.

நேற்று இரவு எட்டு மணி வரையிலான நிலவரப்படி அனர்த்த முகாமைத்துவப் பிரிவு இதனை அறிக்கையிட்டுள்ளது.

24 தற்காலிக தங்குமிடங்களில் 561 குடும்பங்களைச் சேர்ந்த 1,956 பேர் யாழ்ப்பாண மாவட்டத்தில் தங்க வைக்கப்பட்டுள்ளனர்.

இத்தகவலை மாவட்ட அனர்த்த முகாமைத்துவப் பிரிவின் பிரதிப் பணிப்பாளர் ரி.என்.சூரியராஜா தெரிவித்துள்ளார். அவர் மேலும் தெரிவிக்கையில்- சண்டிலிப்பாய் பிரதேச செயலக பிரிவில்இ 432 குடும்பங்களைச் சேர்ந்த ஆயிரத்து 412 பேர் பாதிக்கப்
பட்டுள்ளனர்.

வீடுகள் பகுதிகளில் சேதமடைந்துள்ளதுடன், 4 இடங்களில், 60 குடும்பங்களை சேர்ந்த 186 தங்க வைக்கப்பட்டுள்ளனர். சங்கானைப் பிரதேச செயலக பிரிவில், ஆயிரத்து
664 குடும்பங்களை சேர்ந்த 5 ஆயிரத்து 521 பேர் பாதிக்கப்பட்டுள்ளனர். 11 வீடுகள் பகுதி அளவில் சேதமடைந்துள்ளன. 3 பாதுகாப்பு மையங்களில், 27 குடும்பங்களை சேர்ந்த 92 பேர் தங்க வைக்கப்பட்டுள்ளனர்.

ஊர்க்காவற்துறை பிரதேச செயலக பிரிவில், 229 குடும்பங்களைச் சேர்ந்த 760 பேர் பாதிக்கப்பட்டுள்ளனர். இரண்டு வீடுகள் பகுதி அளவில் சேதமடைந்துள்ளன. யாழ்ப்பாண பிரதேச செயலக பிரிவில், 222 குடும்பங்களைச் சேர்ந்த 699 பேர் பாதிக்கப்பட்டுள்ளதுடன், வீடு ஒன்றும் பகுதி அளவில் சேதமடைந்துள்ளது. ஒரு
பாதுகாப்பு மையத்தில், 47 குடும்பங்களை சேர்ந்த 166 பேர் தங்க வைக்கப்பட்டுள்ளனர்.

வேலனைப் பிரதேச செயலக பிரிவில், 328 குடும்பங்களை சேர்ந்த ஆயிரத்து 35 பேர் பாதிக்கப்பட்டுள்ளதுடன், 12 வீடுகள் பகுதியளவில் சேதம் அடைந்துள்ளன. மூன்று பாதுகாப்பு மையங்களில், 162 குடும்பங்களைச் சேர்ந்த 420 பேர் தங்க வைக்கப் பட்டுள்ளனர். சாவகச்சேரி பிரதேச செயலக பிரிவில், 335 குடும்பங்களை சேர்ந்த ஆயிரத்து 85 பேர் பாதிக்கப்பட்டுள்ளதுடன், 13 வீடுகள் பகுதி அளவில் சேதமடைந்துள்ளன. ஆறு பாதுகாப்பு மையங்களில், 66 குடும்பங்களை சேர்ந்த 393 பேர் தங்க வைக்கப்பட்டுள்ளனர்.

கோப்பாய் பிரதேச செயலக பிரிவில், 251 குடும்பங்களைச் சேர்ந்த 802 பேர் பாதிக்கப் பட்டுள்ளனர். இரண்டு வீடுகள் முழுமையாகவும் 14 வீடுகள் பகுதி அளவிலும் சேதம் அடைந்துள்ளன. பாதுகாப்பு மையம் ஒன்றில், 48 குடும்பங்களைச் சேர்ந்த 180 பேர் தங்க
வைக்கப்பட்டுள்ளனர். காரைநகர் பிரதேச செயலக பிரிவில், 60 குடும்பங்களை சேர்ந்த 212 பேர் பாதிக்கப்பட்டுள்ளதுடன், 6 வீடுகள் பகுதி அளவில் சேதமடைந்துள்ளன. பாதுகாப்பு மையம் ஒன்றில், 6 குடும்பங்களை சேர்ந்த 18 பேர் தங்க வைக்கப்பட்டுள்ளனர்.

பருத்தித்துறை பிரதேச செயலக பிரிவில், 508 குடும்பங்களைச் சேர்ந்த ஆயிரத்து 621 பேர் பாதிக்கப்பட்டுள்ளதுடன், 57 வீடுகள் பகுதி அளவில் சேதமடைந்துள்ளன. வடமராட்சி கிழக்கு மருதங்கேணி பிரதேச செயலக பிரிவில், 57 குடும்பங்களை சேர்ந்த 185 பேர் பாதிக்கப்பட்டுள்ளதுடன், ஒருவர் உயிரிழந்துள்ளார். தெல்லிப்பழைப் பிரதேச செயலக பிரிவில், 601 குடும்பங்களை சேர்ந்த 2 ஆயிரத்து 42 பேர் பாதிக்கப்பட்டுள்ளனர்.

நெடுந்தீவு பிரதேச செயலக பிரிவில், ஆயிரத்து 183 குடும்பங்களை சேர்ந்த, 3 ஆயிரத்து 526 பேர் பாதிக்கப்பட்டுள்ளதுடன் ஒருவர் காயம் அடைந்துள்ளார். ஒரு வீடு முழுமையாகவும், ஒன்பது வீடுகள் பகுதி அளவிலும் சேதம் அடைந்துள்ளன. ஐந்து அடிப்படைக் கட்டமைப்புகள் முழுமையாகவும், இரண்டு அடிக்கடி கட்டமைப்புகள் பகுதி அளவிலும் சேதமடைந்துள்ளன. இரண்டு பாதுகாப்பு மையங்களில், 62 குடும்பங்களைச் சேர்ந்த 217 பேர் தங்க வைக்கப்பட்டுள்ளனர்.

உடுவில் பிரதேச செயலக பிரிவில், 58 குடும்பங்களை சேர்ந்த 192 பேர் பாதிக்கப் பட்டுள்ளதுடன், ஒருவர் காயமடைந்துள்ளார். ஒன்பது வீடுகள் பகுதியளவில் சேதம் அடைந்துள்ளதுடன், ஒரு அடிப்படைக் கட்டமைப்பும் சேதமடைந்துள்ளது. ஒரு பாதுகாப்பு
மையத்தில், 8 குடும்பங்களை சேர்ந்த 29 பேர் தங்க வைக்கப்பட்டுள்ளனர். கரவெட்டி பிரதேச செயலக பிரிவில், ஏழு குடும்பங்களை சேர்ந்த 23 பேர் பாதிக்கப்பட்டுள்ளதுடன், 2 வீடுகள் பகுதியளவில் சேதமடைந்துள்ளன.

நல்லூர் பிரதேச செயலக பிரிவில், 353 குடும்பங்களை சேர்ந்த ஆயிரத்து 104 பேர் பாதிக்கப்பட்டுள்ளதுடன், நான்கு வீடுகள் பகுதியளவில் சேதமடைந்துள்ளன. இரண்டு பாதுகாப்பு மையங்களில், 95 குடும்பங்களை சேர்ந்த 255 பேர் தங்க க்கப்பட்டுள்ளனர்- என்றார்.